Plantun de Prouvènço

Pèr coumpara dos planto d'encò nostre

Valerianella locusta & Spergula rubra

fotò
fotò
Douceto

Valerianella locusta

Caprifoliaceae Valerianaceae

Àutri noum : Grasseto, Pan-froument, Raspello, Agnelet, Lachugueto.

Noms en français : Mâche potagère, Doucette potagère.

Descripcioun :
La douceto es uno erbo fèro bèn couneigudo qu'es aro proun samenado e culido coume ensalado. Se destrìo dis àutri Valerianella qu'a quàsi ges de calice à si flour. Li formo fèro soun bluio (fotò), alor que li cultivado soun blanco (fotò peréu). Trachis dins li relarg un pau umido e sablous. S'atrobo dos varieta, l'uno à fru larg (V. locusta s.s.) e l'autro à fru mai alounga (V. carinata s.s.), vèire li dessin.

Usanço :
Forço goustouso ensalado champanello o cultivado. Dóu latin Valere, valènt à dire "se bèn pourta", la planto èi vertuouso. Es uno bono desgreissarello pèr li regime ameigrissènt.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Bluio
Petalo : 5
Ø (o loungour) flour : 1 à 2 mm
Flourido : Printèms

Sòu : Ca
Autour basso e auto : 0 à 1600 m
Aparado : Noun
Remarco : Ensalado champanello
Mars à jun

Liò : Pelouso umido - Sablo - Bos clar - Champ
Estànci : Termoumediterran à Mountagnard
Couroulougi : Éurimediterrano
Ref. sc. : Valerianella locusta (L.) Laterr., 1821

fotò
fotò
Espargouto(-roujo)

Spergula rubra

Caryophyllaceae

Autre noum : Praussèli.

Nom en français : Spergulaire rouge.

Descripcioun :
Aquelo espargouto trachis sus li camin trepa e li tepiero seco "duberto" sablous, secarous e séusous. Rebalo souvènt au sòu. L'enflourejado èi glandoulouso alor que la baso de la planto a ges de péu. Li entre-nous soun mai long que li fueio e lis estipulo soun en lanço e pounchudo. Regardas tambèn li sepalo que dèvon agué lou bout redoun e li grano èstre bruno founso e rufo. Pensa de coumpara emé lis àutri espargouto pèr pas s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 25(35) cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Spergula
Famiho : Caryophyllaceae


Ordre : Caryophyllales

Coulour de la flour : Roso
Petalo : 5
Ø (o loungour) flour : 6 à 8 mm
Flourido : Estiéu - Autouno

Sòu : Si
Autour basso e auto : Pancaro entresigna
Aparado : Noun
Mai à avoust

Liò : Tepiero seco - Trepadou
Estànci : Mesoumediterran à Subaupen
Couroulougi : Paleoutemperado
Ref. sc. : Spergula rubra (L.) D.Dietr., 1840 (= Spergularia rubra J.Presl & C.Presl, 1819 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
R
R
RR
ges
C
ges
CC
ges

Valerianella locusta & Spergula rubra

CC
R
CC
C
C
CC
CC
CC

Coumpara Douceto emé uno autro planto

fotò

Coumpara Espargouto(-roujo) emé uno autro planto

fotò